പന്തളം മഹാദേവര്‍ ക്ഷേത്രം ഖരമുനിയാല്‍ പ്രതിഷ്ഠിക്കപ്പെട്ട 108 ശിവക്ഷേത്രങ്ങളില്‍ ഒന്നാണ് . അതിപുരാതനവും പ്രശസ്തവുമായ ഈ മഹാക്ഷേത്രം അച്ചന്‍കോവിലാറിന്‍റെ ഇടതുകരയില്‍ പന്തളം ടൗണില്‍ നിന്നും മൂന്ന് കിലോമീറ്റര്‍ പടിഞ്ഞാറ് വടക്കായി തോട്ടക്കോണം , മുളമ്പുഴ എന്നീ ഇരുകരകളിലായി സ്ഥിതി ചെയ്യുന്നു . പന്തളം ജംഗ്ഷനില്‍ എത്തി അവിടെ നിന്നും മൂന്ന് കിലോമീറ്റര്‍ പടിഞ്ഞാട്ട് സഞ്ചരിച്ച് അറത്തില്‍ ജംഗ്ഷനില്‍ എത്തി അവിടെ നിന്നും വലത്തോട്ട് ഒരു കിലോമീറ്റര്‍ യാത്രചെയ്താല്‍ ക്ഷേത്രസന്നിധിയില്‍ എത്തിച്ചേരാം .

പ്രകൃതിജന്യമായ മുക്കാല്‍ വട്ടപ്രദിക്ഷണ വഴിമാത്രമുള്ള ഏക മഹാക്ഷേത്രമെന്ന് ഖ്യാദി ഈ ക്ഷേത്രത്തിനു മാത്രമുള്ളതാണ് . ക്ഷേത്രത്തിന്‍റെ ഈശാന കോണില്‍ അച്ചന്‍കോവിലാറ് നമസ്ക്കാര മണ്ഡപത്തില്‍ തൊട്ടുതഴുകിയൊഴുകുന്നു.