ക്ഷേത്ര വാര്‍ത്തകള്‍
മായ യക്ഷിയമ്മയുടെ കോവിലില്‍ ഉല്‍സവം
മകര മാസത്തിലെ പൌര്‍ണമിയില്‍ ആണ് മായ യക്ഷിയമ്മയുടെ കോവിലില്‍ തിരുഉല്‍സവം. വൈകീട്ട് ദീപാരാധനക്ക് ശേഷം ഭക്തജനങ്ങള്‍ ആഘോഷമായി കൊടിക്കൂറ ബന്ധിച്ച് കൊടിമരം ഉയര്‍ത്തുന്നതോടയാണ് ഉല്‍സവാരംഭം. അടുത്ത ദിവസം വൈകുന്നേരം നടക്കുന്ന താലപ്പൊലി ഘോഷയാത്രയും ചന്ദ്രപ്പൊങ്കലയും ഈ ഉല്‍സവത്തിന്‍റെ പ്രധാന ചടങ്ങുകളാണ്.
പന്തളം മഹാദേവര്‍ ക്ഷേത്രത്തിലെ തിരുവുല്‍സവം 2022 ഡിസംബര്‍ 21 ബുധനാഴ്ച മുതല്‍ 30 വരെ.
ധനു മാസത്തിലെ തിരുവാതിരക്ക് ആറാട്ട് നടക്കുന്ന രീതിയില്‍ പത്തു ദിവസമാണ് കൊടിയേറിയുള്ള തിരുവുല്‍സവം. തിരുവുല്‍സവത്തോടനുബന്ധിച്ച് അന്‍പോലി, ശിവപുരാണ പാരായണം, വിവിധ കലാപരിപാടികള്‍ എന്നിവ നട 7, 8, 9 ദിവസങ്ങളില്‍ സേവയും, ഒന്‍പതാം ഉല്‍സവദിനത്തില്‍ പൂരക്കാഴ്ചയും കുടമാറ്റവും ഉല്‍സവത്തിന്‍റെ പ്രധാന ഇനങ്ങളാണ്. കടക്കാട് വടക്ക് ആറാട്ട്കടവില്‍നിന്നും ആരംഭിക്കുന്ന ആറാട്ട് ഘോഷയാത്ര വന്‍ ജനാവലിയുടെയും ഗജവീരന്‍മാരുടെയും താലപ്പൊലികളുടെയും അകമ്പടികളോടെ ക്ഷേത്രത്തിലെത്തി ഉല്‍സവചടങ്ങുകള്‍ അവസാനിക്കുന്നു.
